Loret, Jean [?] [1652], TROISIESME GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_25.
Section précédent(e)

TROISIESME
GAZETTE
DV
TEMPS.

EN VERS BVRLESQVES.

A PARIS,

M. DC. LII.

-- 2 --

-- 3 --

TROISIESME
GAZETTE
DV
TEMPS.

A SON ALTESSE
MADAMOISELLE DE LONGVEVILLE

 


D’Autant que Donquerque est rẽdu
Barcelonne qu’a si perdu,
Et Cazal en danger extresme,
Princesse, ie sens en moy mesme
Tant de chagrin, & tant d’ennuy,
Que ie ne croy pas auiourd’huy
Que nostre Muse qui soupire
Rien de plaisant vous puisse escrire ;
Si donc les. Articles suiuans
Ne sont ni gaillards, ni sçauaus,
O Bille ! ô Bonne ! ó Sage Altesse !
Excusez ma juste tristesse.

 

 


Sur de vains bruicts, & faux raports,
I’auois mis au nombre des morts,
En ce temps qu’on ne voit que Bieres,
Monsieur le Comte de Tilieres,
Et Monsieur aussi de Sourdis,
Pour le dernier ie m’en desdis,
Son mal a moins de vehemence
Il reuient en conualescence,
D’autant qu’il est tres bien pensé,
Mais pour l’autre il est trespassé.

 

 


On dit que le Duc de Candale
Auecque Commission Royale
Va commander au premier iour
Les Trouppes du Comte d’[1 mot ill.]

-- 4 --


Dans la Bordeloise Prouince
Qui tient bon pour Mõsienr le Prince,
Il croit, apres tant de rigueurs
Des Gascons regaigner les cœurs,
Et changer en paix leurs vaccarmes
Par la douceur, ou par les armes,
Mais pour ranger a la raison
Les Ennemis de sa Maison,
Il luy faut vn fort plus prospere
Que celuy de Monsieur son pere.

 

 


On n’entend tousiours à Bordeaux
Que bruicts & tumultes nouueaux,
Et le beaux Messieurs de Lormée,
Matins comme des gens d’Armée,
Ont fait, dit-on, criant ha, ha,
Desmolir le Chasteau du Ha,
Le Parlement en ce rencontre
Donne quantité d’Ariests contre,
Mais ces Galans cassent du grés
A leurs venerables Arrests ;
Ainsi dans cette bonne ville,
Le Parlement, l’Hostel de Ville,
François, Espagnols, & Gascons,
Deuenus fiers comme Dragons,
Quoy qu’on leur fasse maint exorde,
Sont en eternelle discorde
Rien ne sert la d’estre Voisin,
Oncle, Neueu, Frere, ou Cousin,
Aveul, Filleul, Parrain, Compere ;
En ce lieu l’on ne considere
Ny l’Amy, ni le bien faicteur,
Le Maistre, ni le seruiteur,
La Parenté, ni l’Alliance,
Mais tous viuent en deffiance,
L’indige ce & necessité,
C’est a dite la pauureté,
La crainte, l’horreur, le murmure,
La mesdisance l’imposture,
Maint procedé noir & suspect,
Et souuent le peu de respect
Pour des Personnes d’importance,
Et de tres-illustres naissance
Out vn Empire enraciné,
Dans ce Climat infortuné
Tant sur la Mer que sur la terre,
Voila ce qu’apporte la guerre.

 </p>

 


Ieudy, i’appris auec regret
Que ce Seigneur Sage & discret
Où les Vertus sont en leur lustre,
Que la Charité rend illustre,
Enfin pour le trancher plus court,
Monsieur le Duc de Liancourt,
Est atteint d’vne maladie
Qui, si le Ciel ny remedie
Le pourroit mener vn peu loin,
Mais Dieu, s’il luy plaist, aura soin
De conceder vn plus long aage
A ce genereux Personnage,
Autant plein de gloire & d’honneur
Que pas vn autre grand Seigneur.
Ha ! si toute nostre Noblesse
Prenoit exemple à sa sagesse,
Et mesme à l’immuable foy
Qu’il a tousiours eu pour son Roy,
La France autresfois si pompeuse
Ne seroit pas si mal-heureuse.

 

 


Tant à Paris, qu’aux enuirons,
Où l’on craint tres-fort les Larrons,

-- 5 --


Mainte personne est tres-ioyeuse
Qu’vn nommé Monsieur de Ioyeuse.
[1 mot ill.] Cour allant & venant
Comme il fait encor maintenant ;
Fasse esperer de ces voyages
La fin de nos tristes orages,
Et quoy que son soin iusqu’icy
N’oit point encor trop reüssy,
On a pourtant quelque esperance
Pour le commun bien de la France
D’vn heureux accommodement
Ou l’on trauaille assiduement,
Par qui l’on doit voir reünies,
Les Souueraines Compagnies,
Et le sujet soubmis au Roy,
Ne faire plus du quant à moy ;
Plaise à Dieu que si bien l’on traitte
Que cette Paix soit bien-tost faitte.

 

 


Deux certains Villageois, dit-on,
Sur le chemin de Charenton,
Discouroient de la Politique
(Car à present chacun s’en picque)
Et si l’on veut sçauoit leur nom,
L’vn est Guerin, l’autre est Simon ;
D’abord ils ne sentoient aucune
Haine, inimitié, ny rancune,
Et parloient du commencement
Tout à fait amiablement,
Mais ayant vn sang trop aduste
Chacun croyant sa raison iuste,
Ils en vindrent iusqu’à l’aigreur,
Et se meirent mesme en fureur,
Guerin cria, ie suis Princiste,
Simon dit, ie suis Royaliste,
Ce qu’entendu Maistre Guerin
Appella Simon, Mazarin,
Simon, qui tel brocard detestre,
Luy respondit ta malle-peste,
Ie suis & seray iusqu’au bout
Seruiteur du Roy, puis c’est tout ?
C’est à faire à de la Canaille
D’attribuer vaille que vaille,
Ce Sobriquer de faux alloy
Aux zelez seruiteurs du Roy,
Guerin continua l’iniure,
Simon tonne, menace, iure,
Guerin dit qu’il le gourmera,
Simon respond que non fera,
Enfin l’vn l’autre s’accrocherent,
Des poils de barbe ils s’arracherent,
Et [1 mot ill.], & boute, & tic, & tac,
Sur les cosses, sur l’estomach,
Sur l’espaule, sur la machoire,
Enfin pour abreget l’histoire,
Plusieurs grands coups surent donnez,
Et tous deux saignerent du rez,
Quoy qu’aucun d’eux ne fust pas [1 mot ill.],
Ils prenoient quelquesfois relarche,
Puis enflammez d’vn fier desu[illisible]
Retournoient au combat soudain ;
Apres (pourtant) plusieurs gou[1 lettre ill.]mades,
Assauts, horrions, pettarades,
Ces deux acharnez Champions
Plus vaillans que des Sciploirs,
De se rappoter se lasserent,
Du Conflict se débarrasserent,
Blasmerent leur emportement,
Se parlerent plus doucement,
Et la paix durable, ou fourrée
Fut sur le champ entr’eux iurée,
Ie voudrois que nos deux Partys
Disant, sufficit, ou satis,
Apres tant de sanglantes touches,
D’hostilitez, & d’escarmouches,
Par vn changement important,

-- 6 --


En deussent bien-tost faire autant.
D’ailleurs ce n’est point vne feinte
Que cette. Histoire icy dépeinte,
Que ce, soit ou non verité,
Ie n’ay point fait difficulté
De la rithmer, ny de l’écrire,
Car Mardy, ie l’entendis dire
Sur le Pont-neuf le soir tout tard,
A certain homme vn peu vieillard
Qui portoit vne Hongreline
Tout vis à vis de Carmeline.

 

 


Vn mien voisin nommé Lucas
M’a dit que la belle Brancas
A multiplié sa famille
D’vne trois ou quatriesme fille,
Dont, mais non pas sans bien crier
Elle accoucha Ieudy dernier,
Si selon l’ordre de nature
Cette petite creature
Da Pere & de la mere tient,
Ainsi qu’en tel cas appartient,
C’est vne chose tres certaine,
Qu’icelle ne sera pas Naine.

 

 


Maint autre bruict dans Paris cour[1 lettre ill.]
Ie finiray, pourtant, tout court,
Ie ne m’en sçaurois plus deffendre,
Mon Copiste est lassé d’attendre.

 

 


Cecy fut fait en fort bon lieu
Le iour d’apres la Sainct Marthieu.

 

FIN.

Section précédent(e)


Loret, Jean [?] [1652], TROISIESME GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_25.