LETTRES
DV ROY,
ENVOYEES A MESSIEVRS
les Gouuerneur, Preuost des
Marchands, & Escheuins de
sa bonne Ville de Paris.
MON COVSIN, Ie fais sçauoir
au Corps de ma bonne
Ville de Paris, que pour oster
toutes les marques des desordres
qui l’ont affligée, & pour
laisser desormais chacun dans
la liberté de vaquer à son
commerce sans aucune interruption ; le veux
qu’on leue la Garde des Portes, qu’on pose les
armes, & que nul ne les prenne à l’aduenir, sans
ma Permission. le luy donne aduis mesme, que
i'arriueray Lundy prochain en ma bonne Ville.
Que ie fais estat d’aller loger en mon Chasteau
-- 4 --
du Louure ; & que comme pour cét effet, i’entreray
par la Porte de la Conferance, & sans ceremonie.
Ie dispense aussi les Habitans de la
Ville, de me faire aucune entrée, & que ie me
contenteray qu’ils viennent seulement au douant
de moy iusques à la Porte de l’entrée du Cours :
C’est ce que ie desire que vous leur fassiez encore
plus particulierement entendre de ma part, afin
qu’ils ne manquent pas de se conformer à mon
intention : Cependant, ie prie Dieu qu’il vous
ait, mon cousin, en sa sainte garde. ESCRIT à
Sainct Germain en Laye, le dix/neufiéme iour
d’Octobre 1652. Signé, LOVIS. Et plus bas,
DE GVENEGAVD.
Et sur la suscription est escrit :
Amon Cousin le Sieur de l’Hospital, Mareschal de
France, Gouuerneur, & mon Lieutenant general
en ma bonne Ville, Preuosté, & Vicomté de Paris.
DE PAR LE ROY.
TRES-CHERS ET BIEN AMEZ
Nous auons resolu de nous rendre
Lundy prochain en nostre bonne Ville
de Paris, & d’aller loger dans nostre
Chasteau du Louure. Comme nous
faisons estat d’y arriuer par la Porte de la Conference
-- 5 --
& sans ceremonie : Nous vous dispensons
aussi de la peine & du soin que vous pourriez vous
donner pour nous faire vne entrée, & nous nous
contenterons que vous veniez seulement au deuant
de nous iusques à la Porte de l’entrée du
Cours. Cette Lettre n’est que pour [illisible] donner
aduis, afin que vous ne manquiez de vous conformer
à ce que nous vous prescriuons sur ce sujet.
CAR TEL EST NOSTRE [1 mot ill.]. Donné à Saint
Germain en Laye le diz neufiéme iour d'Octobre
Mil six cens cinquante-deux.
Signé, LOVIS
Et plus bas,
DE GVENECAVD.
Et sur la suscription est escrit :
A nos Tres-chers & bien amez les Preuost
des Marchands & Escheuins de nostre
bonne Ville de Paris.
-- 6 --
DE PAR LE ROY.
TRES CHERS ET BIEN AMEZ,
A present que nostre bonne Ville de Paris
nous a fait connoistre par la soûmission
de tous les Corps qui la composent, qu’elle n’auoit
rien plus à cœur que de nous donner des marques
de sa fidelité : Que pour luy témoigner que
nous en sommes satisfaits & que nous preferons
son repos à toute autre consideration. Nous
auons resolu de l’honorer de nostre presence, &
en inclinant aux diuerses prieres qu’elle nous en a
faites, de luy donner auec nostre retour l’abondance
de toutes les choses, dont les troubles &
nostre absence l’ont peu priuer ; Nous auons creu
aussi que pour luy oster toutes les marques des desordres
qui l’ont affligée, & pour temettre chacun
dans la liberté de vacquer desormais à son exercice
ordinaire sans aucune interruption, il estoit
necessaire de faire cesser les Gardes qu’on fait à
ses portes, & de restablir par ce moyen la liberté
de son commerce : Nous voulons & vous mandons
qu’incontinent cette Lettre receuë vous ayez
à faire leuer les Gardes des Portes de nostre bonne
Ville, à tenir la main que chacun pose les armes,
-- 7 --
& que nul ne les puisse prendre desormais
Sans vn exprés commandement de nostre part :
Et nous promettant de vostre obeissance, & de
l’affection que vous deuez pour le bien du public,
que vous executerez [illisible]
Lettre vous prescrit, Nous ne vous [illisible]
plus expresse : DONNÉ à Saint Germain en Laye
le dix-huictiéme iour d’Octobre mil six cens cinquante
deux
Signé, LOVIS.
Et plus bas
DE GVENECAVD
Et sur la suscription est escrit :
A nos Tres-chers & bien amez les Preuost
des Marchands & Escheuins de nostre
bonne Ville de Paris.
-- 8 --