ÆTERNÆ MEMORIÆ
IOAN. IAC.
BARILLON,
CIVIS OPTIMI
SENATORIS AMPLISSIMI
PRÆSIDIS INTEGERRIMI.

QVI partà à majoribus natalium claritate illustris :
Primum apud Armoricos SENATOR,
deinde in supremum Galliarum
concessum, cum incredibili totius ordinis
gratulatione exceptus ; demum à socero Præside, in
prima disquisitionum PRÆSES adscitus, vniuersis
carus, nulli non amabilis, BENEFICVS IN
OMNES VIXIT. FAMÆ celebritate & inclytæ
virtutis gloria, tam notus inter suos, quam apud
exteros mirabilis. Seruata in aduersis MORVM
ÆQVALITATE, MODESTIAM in secundis coluit,
sicut in dubiis singularem animi TRANQVILLITATEM.
CVM INGENITA COMITATE
quam domi forisque exhibuit, semper tamen inter
adulantis fortunæ blanditias fortis, vt aduersus irascentis
minas INTREPIDVS, variis patuit temporum

-- 31 --

acerbitatibus. Donec sibi potius eligens deesse
quam suis, & patria carere quam fide, regno interdictus,
regno major, sub alieno cœlo, pie morte fœlicem
libertatem adeptus est : ÆTERNVM SVI RELINQVENS
ET DESIDERIVM ET EXEMPLV
M. Etat. Anno quadragesimo quarto, Reparatæ
Salutis. M. DC. XLV.

 

Fvnus ex Galliæ Cisalpinæ finibus Lutetiam accitum.
Secutæ celebres exequiæ, tùm pompæ
solemnitate, cùm vel maximè procerum frequentia ;
vultu, ore, silentio mœrorem preferentium. Mortales
exuuiæ in auito quod ipse florenti æuo, pia & non
vulgari liberalitate instaurauerat sepulchro depositæ.
Lugente populo, luctuoso senatu, requirente
nobilitate, excessum ciuis omnium oculis gratissimi,
iudicis æquissimi, viri per omnia incomparabilis.

Suauissimo Conjugi, Parenti dulcissimo, Fratri
desideratissimo, viro de omnibus optime merito.

P. P.

BONA FAIET ; Vxor olim electa
inter clarissimas ; tanto fœlix
& digna Conjuge : Filij mœrentes,
Frater, Propinqui ; ordines vniuersi.

Agathius Matthæi Auenion. ex animi & veritatis
sensu promebat.

-- 32 --

Du vingt-neusiesme Mars mil six cens quarante-neuf,
Permission a esté donnée à Sebastien
Martin, d’imprimer les dernieres Actions &
Paroles de Monsieur le President de Barillon,
decedé à Pignerol ; Auec deffense à tous autres
de l’imprimer ou faire imprimer, en quelque volume
& caractere que ce soit, ny contrefaire sous
pretexte de changer de titre. Acheué d’imprimer
le 7. Auril 1649.