Dubosc-Montandré, Claude [?] [1649], ICON TYRANNI, IN INVECTIVA CONTRA MAZARINVM, EXPRESSA ET AVCTA. , latinRéférence RIM : M0_1674. Cote locale : A_4_36.
SubSect précédent(e)

SubSect suivant(e)

ILLVSTRISSIMO
NEC NON CEL SISSIMO
ARMANDO
DE BOVRBON
PRINCIPI DE CONTY,
ET AVSPICATISSIMO GALLIÆ
Periclitantis DICTATORI.

Secundo expressa prælo inuolat in sinum CELSITVDINIS
VESTRÆ, hæc Mazarini Icon
PRINCEPS ILLVSTRISSIME. Non quærit azylum
vbi secura omnis aleæ conquiescat, sed tribunal,
ad quod suorum sibi conscia scelerum, videtur ab
AREOPAGO causam euocasse, vt te iudicante
nobiliùs occidat. Secundus hic est dies quo prodit iterum
in publicam lucem, sed omnium dicteriis &
scommatibus grauis, vix potest, dum sibi succumbit,
ad tantæ maiestatis in qua resides, verticem subire.
Neque tamen propterea despondet animum

-- 4 --

dum omnium superstes fulminibus, à te percutiendæ
demum sperat ab illustri manu pariter illustriorem casum.
Humilior est equidem quàm vt te mereatur hostem
Mazarinus, & quamquam nullis cruciatibus
expendi possunt scelera quæ admisit, mactari tamen
dum expetit à te, victimæ nobilioris ambit famam.
Annue PRINCEPS ILLVSTRISSIME, hoc supremum
deprecanti Mazarino, obesamque nostra pinguedine
harugam maturam affatim bipennibus ne pudeat
vindici ferro vicere REGALIS POPA. Æteos
semper apices & Rodopæa saxa non feriunt Iouis fulmina,
aliquando ludunt in conuallibus, & quæ percussit
satum aurigam sole, dextera, sæuire non erubuit
in Terrigenas, dum Enceladum & Mimanta
montes montibus imponentes compescuit. Si tamen
iræ tuæ par nondum videtur Mazarinus, parce
Mazarino, fed gallici sanguinis hirudinem facultatum
nostrarum Charibdim, publicæ quietis perturbatorem,
intestini facem belli, famis & inediæ publicæ
causam, proscriptionum denique multarum nequiorem
Syllam ne saluum patere, vt his post vindictam
nominibus nobiliores accedant tituli, PATRIÆ
PARENS quam oppressit Mazarinus,
VINDOCINENSIS VLTOR FAMILIÆ.
Cuius maturabat perniciem Mazarinus. Vindeux
HOVDANCARIT quem incarcerauit Mazarinus.
RESTAVRATOR LIBERTATIS quam
in BLAMENIO & BROVSSELLIO opprimebat

-- 5 --

Mazarinus. Vide quanta tibi ex vno capite
demetenda sit gloriæ seges, quam multus post
hanc victoriam extiturus sis. Hoc tibi opinor caput
prudens deuouit fortuna vt te in cunis mirata, non
gradatim vt assolet, sed primo statim vestigio, Heroum
imponeret [2 lettre ill.]s Sparsosque per omnes antiquitatis
Heroas, titulos, in te vno, post vnum percussum
colligeret ; fies enim, non post lustra & olimpiades
sed intra Kalendas & Idus, Aristide maior,
Camillo fælicior, Scipione generosior, mario illustrior,
Tullio prudentior, statim & simul omnibus
par, dum post vnum percussum hæc omnia tibi debebuntur
nomina, quæ propter elisa monstra præmissis
illis semideis antiquitas imposuit. Quam non
abludat à vero hæc tanta tanæ Maiestatis spes
Videre est in hac Icone DICTATOR MERITISSIME
vbi non dubito quin desideret aliquid
delicatius sagacior illi tuus oculus, qui vel in Appelle
& Parrasio carpendum aliquid nactus esset,
sed rudiorem non potui non dare. Icona qui rudissimum
habuerim prototypum, & aberrasset à consilio
penicallis si monstro appinxisset veneres, leporibusque
dedisset ementitam faciem, cui vel gorgoneos
rictus, & Senescentis Tisiphones contractam
frontem voluisset appingere, vt fædior gallis inhorresceret.
Si quid itaque occurrerit delicate exaratum
illud puta imprudenti penicillo excidisse solis velim
nostrorum Heroum nominibus & tuo præsertim

-- 6 --

arrideat hoc opus, quod CELSITVDINI VESTRÆ
vt securius prodiret addixit, qui te priuatiorem
dominum præ cæterris expeteret,

 

DICTATOR ILLVSTRISSIME

Addictissimus obsequentissimus
& iuratissimus seruus
M. D. B.

-- 7 --

SubSect précédent(e)

SubSect suivant(e)


Dubosc-Montandré, Claude [?] [1649], ICON TYRANNI, IN INVECTIVA CONTRA MAZARINVM, EXPRESSA ET AVCTA. , latinRéférence RIM : M0_1674. Cote locale : A_4_36.