Sedit qui timuit ne non succederet.

Monsieur le Prince de Conty demande
d’auoir entrée & place dans
le Conseil du Roy ; Vne place forte dans
son Gouuernement de Champagne : Le
retour de Madame de Chevreuse : Qu’on
fasse Duc & Pair le Marquis de Noirmonstier :
Qu’on luy donne quarante deux
mille liures : Qu’on accorde le Tabouret à
la femme du Prince de Marsillac : Qu’on
paye audit Prince dix-huict mille liures
par an, qu’on auoit accoustumé de leuer
pour des Fuzeliers en Poitou, quoy que
lesdits Fuzeliers ne subsistent pas : Qu’on
donne la Generalité des Galeres au Duc
de Rets : Qu’on fasse Cheualier de l’Ordre
le Comte de More : Qu’on fasse Mareschal
de Camp le sieur de Crenan. Qu’on paye
les pensions de S. Ibar, & qu’on les assigne
doresnauant sur vne Abbaye : Que tous les
edifices appartenants & dependants de
l’Abbaye de S. Denys, & situez dans la Ville
soient remis en l’estat qu’ils estoient auãt
le sixiesme de Ianuier : Que le Roy donne

-- 5 --

des Commissions de Lieutenants Generaux,
Mareschaux de Camp, & Mareschaux
de Bataille, & autres cõmandemẽts à ceux
qui les ont exercez dãs l’armée de Paris &
de Normãdie : Et en fin, que les troupes de
Paris demeurent armées, & soient payées
des deniers du Roy, qui seront mis entre les
mains du Parlement, iusqu’à l’entiere execution
du Traicté, & iusques à ce que l’on
ait donné pleine & essentielle satisfaction
aux demandes particulieres, tant de son
Altesse que de toutes les autres personnes
interessées.

 

Monsieur le Duc de Longueuille demãde
vne charge de la Courõne, vn Gouuernement
de consideration dans la Normandie :
& la suruiuance de tous ses Gouuernements
& charges à celuy de ses enfans qui
le suruiura : Qu’on luy paye en assignations
sur la Prouince tous les deniers qui luy sont
deus pour pensions & auances : Qu’on fasse
Duc & Pair Mõsieur de Matignõ, & qu’on
donne la suruiuance de sa charge à son fils :
Qu’on fasse aussi Duc & Pair le Marquis de
Beuuron, & qu’on donne la suruiuance de
ses charges à son fils : Qu’on fasse Cheualier

-- 6 --

de l’Ordre le Cõte de Croisi, & qu’on luy
dõne la Lieutenance de Roy au Baillage de
Caẽ : & qu’õ mette en liberté le Sr de Trassi.

 

Monsieur le Duc de Beaufort demande le
Gouuernemẽt de Bretagne pour Mõsieur
de Vandosme son pere, son dédõmagemẽt
des maisons & chasteaux qui luy ont esté
razés en Bretagne du temps du feu Roy : le
payement de tous les arrerages de ses pensiõs :
le retour de Beaupuy, & son restablissemẽt
dãs ses charges ; & l’abolitiõ de ceux qui
ont aidé à le faire sauuer du bois de Vincẽne.

Mr le Duc d’Elbeuf demande Montreuil :
le payement de tout ce qui est deu à Madame
safemme : cent mille francs pour le Cõte
de Rieux son secõd fils, & recõpenses des
seruices du Cõte del’Isle bonne son cadet.

Mr le Duc de Boüillon demãde Sedan ; ou
vne prõpte recõpense de ce qu’il vaut : Qu’õ
oste le Gouuernemẽt d’Auuergne au Duc
de Chaune, & qu’on luy donne : Qu’on recõnoisse
pour Princes de Frãce luy & tous
ceux de sa maison : Qu’on rende le cõmandement
de l’armée d’Allemagne à Mr le
Mareschal de Turenne : Qu’on donne audit
Mareschalle Gouuernement de la haute &

-- 7 --

basse Alsace : Qu’on luy dõne encor en propre les
domaines de Tane & d’Haguenau, & tous les autres
que le Roy possede en Alsace, & qu’on luy
donne le Gouuernement de Philsbourg.

 

Mr le Mareschal de la Mothe demãde la recompẽse
du Gouúernemẽt de Bellegarde, & ses estats
& reuenus depuis six ans : cẽt mille liures de la rãçon
du Marquis de Pouar, cinq cents mille liures
pour la non ioüissance pẽdant quatre ans du Duché
de Cardone qu’il pretẽd luy appartenir [1 lettre ill.] cent
mille liures d’vn don que le feu Roy luy fit, dõt il
n’a pû rien toucher : Toutes ses pẽsions, estats, &
appointements pendant sa prison, & qu’on luy
redonne son Regiment de Caualerie.

Mr le Duc de la Trimoüille demãde le Cõté de
Roussillõ en propre, à cause des droits de sa trisayeule,
demande Amboise, Montrichard, & Bleré,
qu’il dit luy appartenir, cõme au seul heritier de
la maison d’Amboise : Le Cõté de Guines, cõme
estant de l’anciẽ Domaine de la maison de la Tri.
moüille : Lettres de distractiõ du Cõté de Laual,
du Presidial de Chasteaugõtier, & que le contract
de vẽte qu’il fit auec feu Mr le Cardinal de Richelieu
de la Baronnie de l’Isle bouchard, soit rompu.

Mr le Marquis de Vitry demande des Lettres
de Duc, & le Tabouret pour sa femme.

Mr le Duc de Luynes demande le retour de Madame

-- 8 --

de Chevreuse, vingt-deux mille es[1 lettre ill.]us, & la
reparation des dommages qu’il a soufferts en sa
maison de Lesigny.

 

Mr le Comte de Fiesque demande le Tabouret
pour sa femme.

Mr le Marquis de la Boulaye la suruiuance de la
charge de Colonel des cent Suisses qu’a le Duc de
Boüillon.

Mr le Comte de More demande qu’on reuoye le
procez du Mareschal de Marillac oncle de sa femme :
Qu’on luy donne le Gouuernement de Verdun,
la Lieutenance de Roy des trois Eueschez ; &
deux cents mille liures qu’il dit luy estre deuës.

Mr le Marquis d’Allui demande, qu’à cause qu’il
a eu dans sa maison cent mille liures de reuenu en
Benefices de toute anciẽneté, on oste le Gouuernemẽt
de Foix à Mr de Treuille pour le luy donner,
ou qu’on luy accorde la suruiuance de la
charge du Marquis de Sourdis son pere à Orleans.

Mr le Marquis de Cugnac, qu’on luy rende son
Regiment, & qu’on le paye de tous les arrerages
de ses pensions.

Mr de Mata demande sept mille escus pour les
arrerages de sa pension.

Mr le Cheualier de Fruges demande de cõmander
le Regiment de Caualerie de la Reyne, &
qu’on luy paye toutes ses pensions.

FIN.