Anonyme [1649], LAMENTATIONS D’VN PROCVREVR visitant les sacs de son Estude, ET LE RECONFORT QV’IL receut de sa femme. EN VERS BVRLESQVES. , françaisRéférence RIM : M0_1799. Cote locale : C_4_39.
L’AMENTATIONS D’VN PROCVREVR visitant les sacs de son Estude, ET LE RECONFORT QV’IL receut de sa femme. EN VERS BVRLESQVES. M. DC. XLIX.
LAMENTATION D’VN PROCVREVR visitant les sacs de son estudes, & le reconfort qu’il receut de sa femme.
Messieurs accourez vistement Soit à cheual, ou autrement, Ou bien ainsi que va Mercure, Pour voir vn Procureur qui iure, Plus fort que ne fait vn demon, (Quand on l’appelle par son nom) De ce que la chicanerie Ie veux dire la rongerie, N’a plus maintenant la vigueur Qu’elle auoit auant la rumeur, Qui arriua dans cette ville, Nommée Paris la gentille, Pource que le pauure manan N’ayant plus vn denier vaillant, Sera contraint quoy qu’il enrage D’adoucir vn peu le courage, Qu’il a à poursuiure vn procez Qui fort souuent rend les plats nets, Mesme de beaucoup de personnes Quoy qu’elles ayent grandes sommes, Et qu’il ne soit ainsi contraint De porte en porte trucher pain,
Viuez donc, ie vais commencer Et taschez de bien enfoncer, Ce recit dedans vostre teste, Car ie vous iure par ma Feste, Qu’il est S. Iean & S. Nicolas Que iamais vn si plaisant cas, N’est arriué, ou bien ie meure, En aucun lieu qui soit à l’heure Habité de ce monde icy. Mon Chicaneur s’estant assy Dans son poüillé, non son estude, Car ce mot n’est pas assez rude, Pour signifier ce lieu là Qui d’ordures deça dela Estoit remply comme vne estable, Mesme le dessus de sa table En auoit plus que de raison Pour ne vous pas dire à foison. Tout d’vn coup s’ostant de furie De son siege où la réuerie L’auoit contraint de se placer, Il se mit à tout fracasser, N’espargnant pas son escritoire, Beau-fait pour lequel vne histoire, Deuroit nous estre mise au iour ; Quoy vn Procureur de la Cour, Rompre toutes ses vstenciles
Apres vne longue dispute La femme de cet homme brute, Le conuinquit par ses raisons, Qui furent que dans les maisons De sa rüe qui est fort belle, Et dans Paris qui n’est pucelle, Les Compagnes des Procureurs S’addonnoient aux ieux amoureux, Et quelle n’auoit point fait faute N’ayant iamais logé d’autre hoste, Que luy, sans la necessité On ne l’auroit point visité. A le beau discours ce nicaise Croyant ia se voir à son aise, Et deposseder vn grand bien Consentit que par le moyen, Elle taschast de faire somme.
FIN. |
Section précédent(e)
|
Anonyme [1649], LAMENTATIONS D’VN PROCVREVR visitant les sacs de son Estude, ET LE RECONFORT QV’IL receut de sa femme. EN VERS BVRLESQVES. , françaisRéférence RIM : M0_1799. Cote locale : C_4_39.