plus impie, & le plus méchant, vn esprit ambicieux,
remuant, vindicatif, débordé en ses débauches, enragé
en ses desseins, injurieux en ses blasphemes, sans
foy, sans Dieu, sans religion. Il n’en faut rien dire,
Pais.

Les Princes ne sont pas seulement débauchez, ils
sont entierement dissolus : les Peuples n’ont point de
plus grands Tyrans, ny les Rois, de plus puissans ennemis,
ils ressemblent à cette Divinité, dont parle
Pausanias, qui demandoit touiours des offrandes : ils
crient sans cesse apres de l’argent, le Souverain en est
souvent incommodé, & les Suiets ruinez : s’ils ne sont
contens, ils forment des partis, empietent sur l’autorité
du Roy, heurtent son Sceptre & sa Couronne,
n’ont plus pour luy ny respect, ny consideration, ny
bien veillance : d’ailleurs, ils sont pour l’ordinaire
sans conduite, sans iugement, sans courage, sans vertu.
N’en disons mot, Pais.

Personne n’ignore, que durant la Guerre de Paris,
le Prince de Condé avoit intelligence avec celuy de
Conti, qu’ils se donnoient tous deux beau ieu en vne
affaire, où il n’y avoit que les pauvres Bourgeois interessez,
ou chacun de ces Princes se formoient des
pretentions qui choquoient la minorité du Roy, & le
repos des Provinces aussi bien que celuy des Peuples :
repos des Provinces, aussi bien que celuy des Peuples :
que leur querelle en apparence n’estoit qu’vn dessein
proietté, & que les autres qui estoient ioints avec eux
de la mesme partie, avoient aussi de grandes pretentions
au detriment du Royaume, & des François.
Neantmoins il n’en faut rien dire, Pais.