de ses voisins siens ennemis, si est-ce neantmoins
qu’il est quelque fois plus à propos de conseruer
son bien que d’en marchander la perte par la
poursuitte d’vn gain imaginaire, & par l’esperance
d’vne victoire incertaine qui ne seruiroit,
peut estre, qu’a haster sa ruine & entiere subuersion
de ses Estats. C’est vne consideration qui
a serui autrefois de puissant aiguillon aux plus
ambitieux pour les retenir & empescher d’entreprendre
la conqueste des autres pays de peur de
perdre celuy qu’ils gouuernoient, & cela mesme
joint au soulagement des pauures peuples oppressez,
qui gemissent depuis si long temps sous
le pesant faix de la guerre, sert aujourd’huy de
motif au Roy d’Espagne pour l’induire à rechercher
la paix bannie depuis douze ou quinze années
hors des Royaumes de France & d’Espagne
pour y establir le siege d’vne guerre, qui n’a fait
que les consommer & rendre quasi impuissants
de contre carrer les efforts des ennemis de la
Chrestienté, lesquels le Roy d’Espagne principalement
doit arrester pour ses interests, s’il ne veut
que ses terres soient bien tost sous la domination
du Sultan, outre que l’injure qu’il a receue ensemble
auec tous les autres Souuerains en la

Page précédent(e)

Page suivant(e)