mutuellement contre la tyrannie des mauuais
ministres, qui sont les pestes des Royaumes, &
les bourreaux des peuples : mais ie vous puis bien
asseurer ayant l’honneur des bonnes graces du
Roy d’Espagne nostre Site, & participant à ses secrets
autant qu’aucun autre, que vous ne deuez
auoir aucun ombrage de ce costé là & qu’il agit
sincerement dans ce rencontre. Comme vn bon
Prince las & recrus du trauail de ses peuples
doit faire ; aussi n’est ce pas sans suiet qu’il se voit
contraint de s’humilier à vous demander la paix
pendant vos diuisions, puisque son dessein n’est
autre que d’esteindre par ce moyen les combustions
qui vont deuorant son Royaume par
l’intrigue de quelques mutins mal-contens, qui
sont reuoltés contre sa Maiesté. Nous sommes
bien informés des troubles suscitez en
France par les adherans du Cardinal Mazarin,
qui nous a voulu souuentefois donner
beau jeu à vos despens, mais la fortune
que vous auez tousious experimenté fauorable
en vostre endroit, a encore secondé vos desseins
en cette occasion, bouleuersant tellement l’Estat
de nostre Souuerain, que peu s’en est fallu
qu’il n’ait esté la dépoüille de cette infidelle Les

Page précédent(e)

Page suivant(e)