iours passez dans vn differend suruenu auec vn
Prince de la maison de Lorraine ? Il n’a iamais
rien demandé pour soy auec tant de passion, qu’il
en a tesmoigné pour faire auoir à ce braue Prince
le gouuernement d’Auuergne, & recompenser ce
noble cœur de la hayne qu’il à tousiours entretenuë
contre celuy qui vouloit en achepter les affections,
& auroit resté contant d’en auoir les apparences.
Enfin la recompense que mille personnes
de toute condition ont receu de Monsieur le
Prince pour auoir contribué diuersement au malheur
du Mazarin, doit passer pour vn tesmoignage
qu’il a donné au public de la grande auersion
qu’il à de cét ennemi commun, puisqu’il la payée
en autruy, & l’aduouë pour vn seruice rendu à sa
personne. Qu’on voye les requestes de ceux qui
luy ont demandé recompense, & l’on verra que
la plus part n’expose que ce qui s’est fait cõtre le
Mazarin, sont ce des traits d’vn amy reconcilié
ou d’vn indifferent ? Il conste donc de ce que Mr
le Prince a fait contre le Mazarin durant & apres
sa detention, qu’il a tousiours gardé contre luy
les iustes ressentiments des estranges affrons que
luy & toute sa maison en ont receu : Et ie veux
qu’on sçache que quand nous ne l’apprendrions
pas de ses actions qu’on empeschoit auec la violence
& l’artifice, nous n’en pourrions non plus
douter, si nous prenons garde qu’il ne peut point

Page précédent(e)

Page suivant(e)