faire hommage à la colere qui anime contre luy
Monsieur le Prince, & l’exempte par sa justice
du blasme, & du vice qui peut se trouuer dans la
vengeance. Il en iuge comme ses amis, que
tandis que Monsieur le Prince sera, il ne sçauroit
trouuer de sceureté en France, ny de resistence
capable d’arrester cét inuincible, soustenu
des affections & des assistances des peuples.
Aussi voyons nous que tous les efforts se font
contre luy, qu’on prend conseil de ceux qu’on
estime les plus passionnés pour le perdre : on y
employe les nuits entieres, on promet tout à
ceux qu’on vouloit faire perir, pource qu’ils offrent
de mettre fin à mesme temps au banissement
du Mazarin, & à la vie de Monsieur le
Prince. A quel dessein auoit-on disposé tant de
pelotons d’hommes armez en diuers endroits
du Faux-bourg S. Germain, durant la nuict du
sixiéme, iusqu’à ce qu’ils se virent decouuerts,
& qu’on eut appris que Monsieur le Prince,
au lieu d’aller voir à Trye Monsieur de Longueuille,
auoit pris le chemin de S. Maur ? Tout ce
monde ayant disparu à la pointe du iour, il faut
croire que c’estoient des phantosmes qui vouloient
qu’on parlast d’eux, ou que c’estoit pour
vne entreprise qui ne pouuoit pas attendre le
grand iour. Grand mercis, à la preuoyance extreme
de Monsieur le Prince, qui a sceu descouurir

Page précédent(e)

Page suivant(e)