de Dieu, aussi bien que leurs Sujets,
puisque Dieu est le Pere des vns & des autres,
& que pour cela ils sont nommés freres.
Regem è medio fratrum tuorum : Et voila pour
sceau de ces premieres obseruations, la menace
fulminée du Ciel contre les testes Couronnées,
potentes potenter tormenta patientur. Si tout
estoit permis aux Rois, si toutes leurs entreprises
estoient iustes, s’ils auoient droict de tout
faire impunément, ils ne seroient point menacez,
disons tout, ils ne seroient pas punis ; Les
Puissans seront puissamment tourmentez : Escoutez
Ministres d’iniustice, Conseillers execrables,
qui infectez la source des fontaines publiques,
infectans l’esprit du Prince ; c’estoit la pensée de
Salomon.

Les Noms mesme que les Roys prennent, &
que les Liures Saincts & prophanes leur donnent,
de Chefs, de Pasteurs, & de Peres du Peuple.
Expriment assez l’obligation de leurs grandes
Charges, & c’est chocquer le sens commun ; de
croire que la relation ne soit pas mutuelle entre
les Princes & les Peuples il n’y a point de
Roy sans Suiets, ils n’y a point de Suiets sans
Roy : il se ruine luy mesme quand il les ruine :
auec la main droitte il se couppe la main gauche
quand il porte vne partie de son Royaume
à destruire l’autre, il met sa Personne & son Estat