de celles qui l’enuoyoient arriua à sainct Germain sur les six
heures & au petit coucher du Cardinal Mazarin eut audience.
Il fit grandes reuerences & apres auoir baisé le bord de la couuerture
de son lit, signe qu’il tesmoignoit ce qu’il estoit il executa
sa commission en cette sorte.

Ie suis enuoyé de tout Paris (MONSEIGNEVR) puis qu’il n’y a
personne de raisonnable qui ne soit de celles qui m’ont deputé
deuers vous. Ie ne vous aborde pas auioud’huy comme i’ay fait
autrefois ou le seul dessein de vous produire du plaisir estoit
tout le suject de ma visite. Cette consideration ne me touche
plus, la douleur à tout occupé mon ame & pourueu que ie vous
puisse bien exprimer mes sentimens, ie croy m’estre tres bien
aquité de ma commission.

La Iustice qui donne le bransle à tout ce qui est au monde est
sans pouuoir aupres de nous, tout Paris se laisse conduire a ses
mouuemens, il n’y a que nos maisons qui n’en sont point ébrãlées
faute du droit qui n’y agit plus. Nos Dames neantmoins
qui sont amoureuses, tres sensibles dans ces sortes de mal-heurs
en ont fait leurs plaintes & si elles n’eussent apprehendé de ne
pas bien faire gouster leurs raisons à vos parties aduerses, elles
leurs auroient presenté des requestes touchant leurs miseres,
affin que ces peres du public eussant à subuenir a leurs necessités,
cõme à celles de personnes publiques Cette pẽsée fut mise
en deliberation & ne fut pas suiuie parce que la compagnée se
representa l’impuissance des vieux, la discretion des ieunes &
cet esprit de vertu qui se rencõtre dans les vns & dãs les autres
& qui se porte contre tout ce qui approche tant soit peu de la
foiblesse de la nature. Ces messieurs ainsi n’ayans pas esté crûs
capables d’efe[1 lettre ill.]uter nos plaintes d’ẽteriner nos [1 lettre ill.]equeues nous
nous sommes adressés à [1 mot ill.] que [1 mot ill.] dessein a esté bien projeté,
& s’il ne reussit, que ie suis mal-heureux. MONSEIGNEVR, nous
vous auons cõsideré en Frãce cõme vn Scicilien dont les meurs
se sont faictes à [1 mot ill.], & dont l’esprit a esté nourry dans toutes
les adresses & les cõplaisances qui se pratiquent entre les femmes,
& ceux qui se font [1 mot ill.] parfaictement hõmes nous auons
crú que vostre Eminence se souuiendroit de ces delices que