& qu’ils pensoient ne deuoir plus craindre.
Les vertus ont leur excez aussi bien que leur
deffaut : La compassion est criminelle quand elle est
iniuste, & c’est assez de l’estat ou nous sommes tous
reduits pour nous faire confesser qu’il est esgalement
dangereux de pardonner toutes les fautes, &
de n’en pardonner aucune. Le Medecin fait l’office
de bourreau quand il ne refuse rien à son malade, &
la charité du Chrestien deuient vn de ses pechez,
quand c’est par elle qu’il pretend aimer iusques aux
personnes qui sont en execration deuant Dieu qui
est la charité mesme selon l’Apostre, & qu’il s’en sert
de fondement & de principe pour souffrir les sacrileges
& les traistres. Nous auons regardé iusques icy
le Cardinal Mazarin de la mesme sorte que nous
auons souuent regardé des bestes farouches qui sont
entretenuës pour la rareté de leur espece, ou pour la
grandeur des Roys, ou pour la curiosité du peuple ;
mais quand nous auons examiné que celles-cy
estoient ordinairement enchaisnées, pour ne pas
contenter les yeux de leurs spectateurs aux despens
de toutes les parties de leurs corps, & pour empescher
qu’ils n’en deuinssent & les victimes & la curée ;
que celle cy estoit libre, & que sa fureur n’estoit
point oisiue, nous auons iuge qu’il y alloit de l’interest
du souuerain, & du salut de son peuple de s’opposer
ouuertement aux coups que nous ne pouuions
plus éuiter que par vn miracle. Nous nous
estions seruis en secret du ieusne & de l’oraison contre

Page précédent(e)

Page suivant(e)