retirer chacun chez soy, dés l’heure de la publication
dudit Manifeste, qui les declarera sans
pouuoir, & leur deffendra de s’ingerer, ny resoudre
aucunes affaires publiques, de leuer des
gens de guerre, ny faire aucunes impositions
ou leuées de deniers sur vos Suiets, sur peine d’estre
declarez rebelles & criminels de leze-Maiesté
au premier Chef, Perturbateurs du repos
public, & ennemis de l’Estat, Commandement
& permission estant donnez à tous vos fideles
Suiets de courir sus les contreuenans, de les
prendre, saisir, emprisonner, & leur parfaire leur
procez. Vostre Maiesté declarant pareillement
rebelles tous ceux qui leur obeïront, qui les
receuront ou leur donneront secours, ou qui
leur fourniront d’armes, d’argent, de munitions
ou autres choses necessaires.

Vostre Maiesté commandera pareillement
à tous Generaux d’Armées, Mareschaux de
Camp & autres Officiers, Caualiers & Soldats,
de quelque qualité & condition qu’ils soient,
de quitter les armes, excepté qu’auec icelles, ils
se voulussent venir ranger à leur deuoir prés de
vostre Personne, ou du moins prẽdre vostre party
& y obliger les autres. Ledit Manifeste portera
le mesme commandement à tous les Admiraux,
Vice-Admiraux, & autres Capitaines, Officiers,
& Soldats de la Marine, leur ordonnant à