Encor ne le sçayt elle pas,
Ayant pris differens esbats,
Le bruit court qu’elle estoit hostesse,
Qui logeoit souuent la ieunesse,
Pendant que son Mary marchant,
Dessus Mer alloit trafiquant,
Qu’on n’auoit pas beaucoup de peine,
A gagner cette belle Heleine,
Et qu’vn Corsaire de renom,
Luy fit par hazard ce garçon.
On tient qu’il estoit d’Arabie,
Ou des confins de la Turquie,
Et que la bourasque des flots,
L’emportant sur les Matelots,
Apres auoir fait grand pillage,
Le ietta dessus le riuage,
Ou nostre Hostesse de renom,
Le receut dedans sa maison,
Et que pendant que la tempeste,
Se calmoit, ils firent grand feste,
Si ce discours estoit certain,
Il seroit vn fils de putain.
Mais laissant à part sa naissance
Et toute sa mauditte engeance.
Voyons ce qu’il a fait depuis,
Et notamment dedans Paris,
Suiuons tout le cours de la vie,
De cette peste d’Italie,
Tous les crimes qu’il a commis,
Et combien il fit d’ennemis,
Laissant ses parents en Sicile,
Il seruit à Rome de drille,
Là ce rude & meschant paillard,
Ioüoit à tous ieux de hazard,
Faisant si bien le tour du rolle,
Qu’il attrappoit mainte pistolle,
President aux fameux brellans,
Pipant comme vn vieux charlattans.
Enfin pres de luy la ieunesse,
Au jeu n’auoit plus de finesse,
Et ne sçauoit plus par quel bout,
Se garder de ce happe tout,

Page précédent(e)

Page suivant(e)