Anonyme [1649], ALMANACH DE LA COVR, Pour l’An 1649. faict par Me François le Verittier, grand Speculateur des choses presentes. , françaisRéférence RIM : M0_61. Cote locale : C_2_3.
FEVRIER.
G... a de ce mois l’inégale froidure, Il se fasche tantost, & tantost il endure, Selon qu’il est de peur ou d’espoir agité, Les voisins de ce mois luy ostent deux iournées, Mars 3. &c... 4. par subtiles menées, Retranchent à ce Duc de son authorité.
MARS.
C... ce ieune Mars que tout heur accompagne, Qui ne bronche iamais qu’aux portes de l’Espagne, Et qui a tout vaincu horsmis le Parlement, Tesmoigne par ses faits qu’il veut suiure la trace, Et la fougue imiter de ce grand Dieu de Trace, Luy qui a plus de cœur qu’il n’a de iugement.
AVRIL.
C... ce beau Prelat, dans l’Auril de son âge Croit estant Cardinal deuenir aussi sage Que son Parrain defunct qui a fait tant de bruict, Pour porter le Rochet il a l’espaule forte, Mais ie crains qu’à la fin tout ce dessein n’auorte, Comme ce mois produit des fleurs sans aucun fruict.
Anonyme [1649], ALMANACH DE LA COVR, Pour l’An 1649. faict par Me François le Verittier, grand Speculateur des choses presentes. , françaisRéférence RIM : M0_61. Cote locale : C_2_3. |