present, où il y va de nostre repos, de nostre bien
& de nostre vie.

Ce n’est plus le temps où il faut vser de respect
puis qu’il y va du salut de toute la Monarchie.
C’en est fait, le masque est leué, & il n’est
plus besoin que de poursuiure viuement ce que
nous auons desia commencé, auec trop de raison
& trop de Iustice. Pleust à Dieu que nous eussions
la Paix comme ie la desire, & certes il n’y
peut auoir que les ennemis de l’Estat ou pour
mieux dire les mauuais François, qui puissent
demander à Dieu la continuation de la guerre :
Mais si l’on peut iuger de l’aduenir, par les choses
qui se sont passées, que pourroit-on esperer
de l’accommodement, qui se feroit auec ces
gens là, qu vne desolation entiere de toute la
France.

Vous pouuez croire qu’il n’y a point de pardon
ny pour les vns ny pour les autres, s’ils sont
iamais en estat de vous punir, comme ils souhaiteroient
bien de le faire. Receuons donc de grace
auec applaudissement, les lauriers que sa Diuine
bonté nous presente, puis qu’elle nous les
donne en nos plus extremes necessitez, & sur
le temps où nostre perte nous sembloit estre ineuitable.
Nous auons cent mille hommes dans
Paris qui ne font qu’attendre vos ordres sans
conter qu’il n’y a pas vne ville en France qui ne