Ceux là furent cause de la ruine de tout Israël,
& de la mort de trante mil Israëlites, & ceux que
nous auons en France, sont cause de la ruine de
tout l’Empire François & de la perte d’vn nombre
infiny de pauures ames innocentes. Il y en
auoit en la maison de Caïphe Souuerain Pontife
des Iuifs, qui consultoient comment ils feroient
mourir Iesus-Christ, & il y en a dans les Palais
des Princes & des Roys, qui s’estudient nuict
& iour, à sçauoir comment ils feront pour le crucifier
encor vne fois, en la personne de ses pauures
membres viuants, à qui mesme ils ont vsurpé
tous les biens qu’ils possedent.