tais tout le reste, parce qu’ils ont esté assez
descripts & descriez, qu’vn chacun les a senty
ou connu, & que ie crains d’estre trop long.

En apres, il tache de nous persuader, que
ce que le Cardinal Mazarin fit a Casal, est
vne haute entreprise, & vn ouurage digne
d’vne grande force d’esprit, quoy que tout
le monde sçache, qu’il ne fit rien de soy-mesme,
qu’il agissoit sous de plus puissans ressorts,
que ceux de son petit ceruelet & que se
mesler de la paix, soit le plus facile & le plus
plausible moyen pour trouuer creance parmy
les peuples : Mais helas ! ce meschant n’a trauaillé
à cette paix que pour trouuer moyen
de nous trauailler puis apres, par de plus longues
& de plus furieuses guerres : & bien que
le feu Roy luy ayt fait des honneurs capables
de saouler les plus grands & les plus ambitieux
de son Royaume, ce n’a pas esté par son
mouuement ny par l’aueu de ses bons seruiteurs,
mais par la persuasion tyrannique du
Cardinal de Richelieu, qui le voulant faire
succeder à la place qu’il tenoit dans le Ministeriat,
pour les raisons que chacun sçait ; &
sçachant la bassesse de son extraction, & la
honte de sa naissance, voulut couurir tous ces
deffauts de la pourpre, pour nous le rendre
moins haïssable.