O Dieu quelle peine & tourment
Les ennemis du Parlement,
Font souffrir à la Populace !
Mais de rien ie ne Iesmenace,
Ie me contente bien & beau,
Tant que i’auray le pain & l’eau,
Pour entretenir ma substance,
D’en vser auec patience,
Que s’il me manque tout à coup,
Quitte à faire comme le loup,
Qui pressé de rage & famine,
Quitte les bois, & s’achemine
Vers les plaines & les costaux.
Où repaissent maints doux agnaux,
Sur qui déchargeant sa furie,
En fait sanglante boucherie,
Et s’en repaist tout à loisir
Iusqu’à la fin de son desir.
Pour moy i’en veux faire de mesme