Anonyme [1649], LES LOVANGES DES PARISIENS, DONNÉES EN L’HONNEVR DV PARLEMENT. , françaisRéférence RIM : M0_2329. Cote locale : C_4_49.
Assez a troublé nostre ioye, Leur insolente cruauté, Assez de leur auidité, Nous auons tous esté la proye. Ces gens de tous haïs & crains, Perdent mesme les Souuerains : La disette de leurs Prouinces, Oste la force à leurs projets, Et l’incommodité des Princes, Vient de celle de leurs Subiets.
Le retour de ces iours plus calmes, Signalera vostre vertu, Releuer l’Estat abbatu : C’est cueillir d’eternelles palmes. Rendez nostre Roy, quoy qu’enfant, Tres-grand, heureux & triomphant : Et monstrez à toute la France Par vn propice changement, Que vos loix & vostre prudence En sont le plus seur fondement.
Anonyme [1649], LES LOVANGES DES PARISIENS, DONNÉES EN L’HONNEVR DV PARLEMENT. , françaisRéférence RIM : M0_2329. Cote locale : C_4_49. |