qu’il s’est arresté, iugeant prudemment qu’il
luy falloit vn mestier ou il se seruit de la Riuiere.

Monsieur le Prince se faict Bahutier.

Monsieur le Prince de Conty deuient Autheur,
& dit on qu’il est fort propre à commanter
les fables d’Esoppe.

Monsieur d’Angoulesme sera Medecin
quand les maladies seront incurables.

Monsieur de Longueville enseignera l’Allemand,
heureux d’auoir apporté ce mestier
de Meunster.

Messieurs de Guise & d’Elbeuf attendront
le retour de Madame de Cheureuse, pour déliberer
auecque-elle, quelle profession ils embrasseront.

Madame & mes Dames les Princesses filleront
à la Flamande.

Mademoiselle dit quelle voudroit bien estre
maistresse de quelque mestier ou l’on peut
estre deux, parce qu’elle s’ennuie d’estre seulle.

Pour les filles de la Rey ne sont toutes diuersses
en leurs desirs, les vnes veulent trauailer en
toille, en rubans & faire des galands, les autres
tapissieres, & les autres feront des tours de licts,
mais la plus part souhaite auoir vn bon maistre