loüez que blamez. De tous les Roys qui gouuernent
mes Monarchies, celuy d’Espagne
par le moyen de sa venerable Majesté, est quasi
comme vne Idole adoré des Princes, & des
Seigneurs, & par ces grands honneurs qu’il se
fait rendre, il se fait connoistre pour Roy, &
conserue ainsi sa grandeur Royale. I'admire
bien mieux le gracieux, & graue aspect du
Tres-Chrestien Roy des Gaules, & l’accez facile
qu’il donne aupres de sa Maiesté à ses seruiteurs,
qu’il traite en amis familiers, plutôt
qu’en suiets. Ie trouue que par cette extraordinaire
humilité, il exalte sa vertu & sa Maiesté
Royale, si étans paruenuës au plus haut
point de la grandeur & de la gloire, elles peuuent
passer plus auant. Par là ne connoist-on
pas que toutes les intentions, & les manieres
des Princes (quoy que toutes differentes)
sont prudentes & iudicieuses, & que tout ce
qu’ils font est beaucoup mieux qu’on ne le
peut pas conceuoir. Vn certain homme temeraire,
disant imprudemment au Roy Leonide,
qu’à la reserue de son Royaume, il n’auoit
plus rien que luy, ce Sage Prince luy répondit,
ie ne serois pas Roy, si ie n’auois été
meilleur que tu n’es pas.

Les actions des Monarques sont irreprehensibles,
inconnus au iugement du vulgaire,