declaré du depuis assez hautement auoir eu
plus de sujet de le faire, que Monsieur le
Prince de le desirer. En effet, y a-t’il de l’apparence
pour luy complaire apparemment,
qu’on chassast des personnes confidens ? s’ils
eussent esté agreables, ou qu’on les eust voulu
faire estimer innocens, puis qu’on cherche
à present tous les moyens imaginables
pour faire passer son Altesse mesme pour coupable ;
l’on eust conserué des personnes qui
estoient habilles, & qu’ils tenoient si ouuertement
pour ennemis, si on eust eu le dessein de
luy en substituer d’autres, qu’on sçait luy estre
encores plus suspects. Il faut bien manquer
de couleur & de pretexte pour s’en seruir de
si materiels, & se reduire à descrier le gouuernement,
le taxant d’vne telle foiblesse & timidité ;
puis qu’enfin on confesse d’auoir abandonné
ce qui est de plus cher aux Souuerains,
qui est l’authorité & la reputation, pour accabler
sous les ruines du trosne, vn Prince
qui en a soustenu tous les interests auec autant
de soumission que de merueille contre
tous ses ennemis, & estrangers & domestiques.

Disons plustost auec verité & ingenuité
que tous les troubles qui agissent l’Estat, sont