qu’vn homme de tant de lecture, & qui semble ne rien ignorer,
ne sçache point encore, que le sixiesme des Decretales
est en effet si nouueau, qu’il n’est point connu ny receu en
France en façon que ce soit, n’y faisant ny loy ny sanction obligatoire,
comme remarque Monsieur Seruin en son plaidoyer
d’entre Madame de Candale, & Monsieur d’Espernon, où il
dit ; Qu’il a esté deffendu par Arrest de le citer pour constitution Canonique,
Parce qu’il est d’vn pape grand ennemy des François, qui est Boniface
VIII. lequel est autheur special des deux Constitutions alleguées.
qui sont plustost voir la chaleur & la vanité de ce Pontife violent,
que la prudence & la moderation qui doit accompagner
cette dignité saincte & sacrée.

Monsieur Milletot ce sçauant Conseiller du Parlement de
Bourgogne, & qui entendoit mieux les Constitutions Papales
que ceux qui en protegent le Mazarin, dit en vn sien traitté,
Que l’absurdité de telles Constitutions, & infinies autres semblables,
qu’il seroit ennuyeux de rapporter, a fait que de tout temps l’on a tenu
pour chose resolue & arrestée en France, que la Compilation du 6. Liure
des Decretales n’y est receuë, & que l’on ne peut induire argumens ou tirer
consequences des textes d’iceluy.

Milletot. du
delict commis,
& cas
priuil. page
20. 21.

Ce Panegiriste Mazarin a bien oublié, pour sauuer la teste
de celuy qui le paye si bien pour mentir, d’adiouster à ses Decretales
inutiles, la fulmination que le Pape fait tous les ans le
Iendy Sainct, en publiant la Bulle, in Cœna Domini, laquelle
deffend plus formellement que ce qu’il allegue ; Ne quis se misceat
& participer, cum Episcoporum, & Cardinalium insectatoribus ;
mais comme elle est aussi peu receuë en France, que le 6. des
Decretales, & qu’elle n’entend pas parler des Iuges qui font
le procez à ces bons Messieurs, quand ils sont criminels ; elle
n’auroit seruy que d’vn passage & d’vne couleur pour esblouïr
ceux quine connoissent autres saints que le Mazarin ny autres
Docteurs que ses escriuains.

3. Nostre aduersaire demeurant d’accord que cette nouuelle
compilation des reglemens des Papes, ne regarde que
la police spirituelle de l’Eglise, s’agissant icy d’vne iurisdiction
pure temporelle, & qui regarde entierement l’authorité souueraine
du Roy, & les Ordonnances qui reglent son Estat,
celles qu’il allegue en faueur de son amy accusé & condamné,