Mais parce que cette affaire n’est point commune, & qu’on
cherche de l’iniustice dedans le temple de l’equité ; qu’on veut
regler vn crime sans pareil, & vne rebellion sans exemple, par
des formalitez qui ne sont faites que pour les causes à l’ordinaire,
& les cliens qui y defferent ; Voyons si celuy qui viole & qui
mesprise toute sorte de loix, a sujet de se plaindre si on neglige
les plus petites, & si on n’obserue pas les formes qu’il estouffe,
& qu’il ne veut point reconnoistre.

Tous les Politiques & Iurisconsultes demeurent d’accord,
que le criminel estant si puissant, si fascheux, & si redoutable
qu’il est entierement impossible d’en auoir raison parles solemnitez
d’vne iustice lente & ordinaire, il est permis de les punir &
condamner, sans toutes ces petites formalitez qui ne sont que
Pour les personnes priuées, les affaires du commun, & les particuliers
qui deferent aux ordonnances, & qui reconnoissent la
justice : n’y ayant aucun pretexte d’vser de force & de violence
quand les loix ont assez de puissance & d’authorité pour se faire
executer & reuerer.

Seneque qui ne pouuoit ignorer ny l’ordre de la iustice, ny
Le bon gouuernement d’vn estat, ne blasme en façon quelconque
Alexandre le grand, d’auoir fait tuer Parmenion sans l’entendre
en ses deffenses ; mais bien d’en auoir autant fait à Calisthenes
qui n’estoit qu’vn philosophe sans aucun pouuoir, ny
aucun credit que parmy vn petit nombre d’escholiers.

Senec. natural.
quæst.
lib. 6. cap. 23

Plutarque qui n’est pas moins instruit dans les bonnes mœurs,
& dans la politique, vse ouuertement de cette distinction en la
vie de galba, que cét Empereur ne fit point de mal de faire mourir
sans procés Macer & Fonteius, parce qu’ils auoient les armes
en main, & commandoient à des gens de guerre ; mais bien
d’en auoir autant fait à Cingonius Varro, & à Petronius Turpillianus
qui n’estoit qu’vn bon vieillard caduc, & sans employ.

Plutarq, en
la vie de
Galba.

Mecenas disoit à auguste, renuoye au Senat les particuliers
que tu crois auoir failly ; mais quant à ceux qui ont la force en
main, il est permis de s’en deffaire en quelque façon que ce soit ;
& quand la chose ne se fait pas sans conseil, il est certain que la
deliberation qui en a esté prise tient lieu de sentence, & de iugement
donné entre les parties.

Ciceron, sur lequel l’apologiste Mazarin s’appuye si fort ;