vn plus grand bien, que celuy où l’on se procure la
bien-veillance de son Souuerain, & où l’on trouue le
moyen de voir abondamment, gloria & diuitiæ in domo
eius pour moy ie ne voy point de difficulté qui puisse
arrester en quelque façon ce dessein, puis qu’il est si
iuste.

Voyons nostre troisiesme Point, sçauoir si pour
acquerir la bonne grace d’vn Prince, on ne doit point
epargner de sang pour y paruenir ? Ie tiens tousiours
l’affirmatiue, & ie dis qu’vn homme qui a ce dessein,
doit employer feu, fer & poison, & tout ce qui peut
luy estre vtile. Ie le prouue par ce raisonnement, que
si Dieu nous a commandé de chercher nostre bien,
& qu’il y ait des obstacles à l’atteindre, ne deuons-nous
pas nous seruir de tous les moyens qui nous
peuuent estre profitables ? voluntarie sacrificabo tibi, dit
le Prophete, & vn peu plus bas, super inimicos meos despexit
oculus meus : quel sacrifice plus propre & quelle
offrande plus iuste peut-on faire, que celle qui sert de
pierre d’achoppement à nos desseins ? Non, non, vn
homme qui veut paruenir à ce haut rang, ne doit
épargner ny sang, ny personnes, non pas mesme ses
parens : & i’ose dire, son propre pere, calca patrem, calca
matrem, & i’approuue en quelque façon le zele qu’eut
autrefois cette femme de Tarquin, qui fit passer son
carrosse & ses cheuaux sur le corps tout sanglant de
son pere, pour aller embrasser son mary couronné.
Mais voyons maintenant ce que doit faire vn Souuerain
ayant esleué vn de ses suiets aupres de sa persa
personne, ne doit il pas faire comme Pharaon fit à