assez voir dés à cette heure, que si elles n’auoient point
[1 mot ill.] creées, elles deuroient l’estre. Il n’en faut point d’autre
preuue, que ce que la Prouince a souffert depuis nostre
depart : Si on luy donne la liberté de parler, elle se
saindra qu’elle est retombée dans les mesmes desordres
[1 mot ill.]ont nous l’auions tirée. Elle dira qu’elle a esté souuent
ensanglantée par des meurtres atroces, qu’elle a veu des
femmes assassinées par leurs maris, des prisons forcées,
les Geosliers massacrez, des condamnez au supplice denaturez,
Et ces crimes impunément commis ou authoritez,
par ceux mesmes qui ne nous veulent point pour
compagnons, de peur de nous auoir pour Iuges.

QVANT à la Declaration d’Octobre dernier, qui a
[1 mot ill.] si fort desirée, & demandée auec tant d’instance ; tant
[1 mot ill.] faut qu’elle fauorise en aucune façon le dessein des
anciens, qu’au contraire elle luy est directement opposée ;
car il est porté premierement, qu’il ne se fera aucun
emboursement d’Office ; & en second lieu, qu’il ne se
fera aucune taxe sur les Officiers. Or puisque nostre suppression
ne se peut faire sans remboursement, ny le remboursement
sans taxes, n’est-ce pas vne consequence necessaire,
qu’elle ne se peut faire sans contreuenir à cette
Declaration ? D’ailleurs les conditions en sont si déraisonnables,
& si desaduantageuses à la Prouince, qu’elles
en rendent l’execution impossible. Elle ne conserue que
seize Conseillers de soixante qu’il y doit auoir, Elle en
reserue le choix à la nomination des Anciens, & les taxe
pour le remboursement, chacun à trente mille liures :
Quelle apparence y a-il qu’ils se ioüent ainsi des creatures
de V. M. qu’ils ayent sur nos biens & sur nostre honneur,
vn empire qui n’appartient qu’au Souuerain ; & que
de plusieurs Officiers également receus leur bon plaisir