ailleurs, par la peste & par la famine. Il a voulu
que Lerida ayt eschappé à des personnes qui faisoient
la plus part des resioüyssances publiques, & de
qui les entrées dans les Villes auoient tousiours esté
autant de triomphes. Il a troublé Naples par ses brigues
pour y faire succomber vn Prince par ses artifices,
& pour faire chanter à nos despens & à nostre
honte de secondes Vespres Siciliennes à toute l’Espagne ;
& nous a fait battre au son des violons de Cremone,
comme ces pauures esclaues, dont parle Aristote,
que les Toscans foüettoient autrefois au son
des fluttes.

Apres cette verité, il est bien à craindre que les
estrangers ne nous fassent à l’auenir le mesme reproche,
qu’vn Orateur faisoit autrefois à ceux d’Athenes,
qu’ils ne traittoient iamais de la paix qu’en robes noires,
pour ce que c’estoit là la marque du dueil qu’ils
portoient des parens & des amis qu’ils auoient perdus
dans les sieges & dans les batailles. En effet, combien
d’enfans le Cardinal Mazarin a-t’il desrobé aux Peres ?
Combien de marys a t’il enleué aux femmes ? Combien
de freres aux sœurs ? Combien de soldats aux Officiers ?
Combien d’Officiers aux Generaux, & combien
d’hommes à toute la France ? Le nombre en est
tel, & l’impieté qui a suiuy cette fureur, est encore
si fraische à nostre memoire, qu’il peut estre conuaincu
par sa bouche mesme, d’auoir changé des
Temples en Escuries, quelques-vnes de nos Prouinces
en deserts, & plusieurs villes en cimetieres.

Pour en faire rire quelques vns, cependant qu’il en