faisoit pleurer vne infinité, il a tiré de l’Italie des farceurs,
de qui les postures n’estoient gueres plus honnestes
que celles de l’Aretin, qui faisoient profession
ouuerte d’introduire les Images de toutes les voluptez
scandaleuses par les yeux & par les oreilles, &
qui pour estre entendus auec moins de peine & auec
plus d’authorité, enseignoient à faire des maquerelages
de tout Sexe en plein Theatre, & ce qui n’est pas
moins étrange, dans vne maison Royale. Il en a fait
venir d’vne autre espece pour nous endormir au son
des Theorbes & des Guitares ; & comme les compagnons
d’Vlisse enyurez du fruit qui leur fut offert,
oublierent leur pays, il a creu de mesme que nous
pourrions oublier tous les interests du nostre, apres
auoir esté estourdis de cette musique. Mais estoit-il
croyable que des machines qui nous auoient plus
cousté que toutes celles de la guerre ne fissent point
trembler d’horreur ceux qui en auoient la veuë ? Que
ces limonades qu’on y versoit auec vne profusiõ galante,
& qui auoient esté composées du sang de tant
de sujets fideles, ne laissassent aucune frayeur aux
plus alterés & aux plus stupides ? Que nous eussions
de l’admiration pour des Scenes toutes remplies de
nos souffrances & de nos miseres, & de l’amour
pour des spectacles qu’on nous faisoit a chepter par
le sacrifice de tant d’innocens, & par la desolation
de tant de familles ? Estoit-il croyable qu’on deut
payer tant d’obseques & tant de ruines, par des Metamorphoses
d’Ouide, & par des fables d’Homere ;
Que tant d’ombres & tant de manes deussent estre

Page précédent(e)

Page suivant(e)