Hymnes, & pour qui les Orateurs les plus celebres
ont fait des Panegyriques qui eussent passé dans
d’autres siecles pour autant d’Apotheoses. Nous
auons veu que ces Princes mesmes ont imposé des
loix & des chaisnes à des ennemis estrangers, cependant
qu’ils souffroiẽt vn ennemy domestique ; qu’ils
ont estendu nos frontieres par la force & par le bon
heur de leurs armes, cependant qu’ils laissoient dans
l’Estat vn monstre qui affligeoit toutes nos villes, &
qui desoloit toutes nos campagnes ; & que nous faisions
des feux de ioye dãs les ruës pour des ennemis
vaïncus, cependant qu’vn tyran allumoit le feu dedans
nos maisons, ou qu’il y pilloit toutes nos richesses.
Par là nous auons veu qu’il vouloit nous empescher
d’auoir vne espece de veneration pour leur bras
& pour leur cõduitte, & qu’il auoit entrepris de leur
desrober toute la gloire, que l’enuie mesme ne leur
ose refuser, puis qu’il disputoit diuersement auec eux
l’auantage de se faire craindre ; qu’il humilioit les
François iusques à la derniere consternation, lors
qu’ils gaignoient des places & des victoires sur les
estrangers ; qu’il rendoit icy redoutable l’authorité
qu’il y auoit prise, lors qu’ils faisoient ailleurs des
sujets ou des prisonniers, & qu’il opposoit au spectacle
& au ressouuenir de leurs triomphes, celuy de
nos funerailles. Nous auons veu qu’il a precipité la
mort de plusieurs personnes, pour ne leur laisser pas
mesme la langue libre ; qu’il a fait des criminels de
tous ceux dont il n’a peu faire des bourreaux, & qu’il
a corrompu par ses maximes dangereuses la pluspart
de ceux qui l’ont approché, comme ont dit que les

Page précédent(e)

Page suivant(e)