D. B. [signé] / Cyrano de Bergerac, Savinien de [?] [1649], LE MINISTRE D’ESTAT FLAMBÉ. , français, latinRéférence RIM : M0_2470. Cote locale : C_4_58.
Les François estoient resiouys Que nostre France fut pourueuë D’vn si grand nombre de Louys, Mais ils se sont esuanouys Par vostre auarice impreueuë, Et les ont si bien esblouis Qu’ils en ont tous perdu la veuë.
Le marchand par tout endebté N’a plus personne à sa boutique ; Ciceron n’est plus escouté, Sainct Cosme n’est plus consulté, Sainct Yues reste sans pratique, Et dans leur merite enchanté La fortune leur fait la nique.
Le meilleur bocan du marais Deuient presque vne solitude, La Decombe y regente en paix Gens d’espée & gens de Palais N’y causent plus d’inquietude, Et Priape y casse du grais Aux filles qu’il mit à l’estude.
Le poulet d’inde & le cochon Ne leur doiuent plus rien de rente, Marotte, Cataut, & Fanchon Qui vendent iusque à leur manchon Y sont vaines tables d’attente,
D. B. [signé] / Cyrano de Bergerac, Savinien de [?] [1649], LE MINISTRE D’ESTAT FLAMBÉ. , français, latinRéférence RIM : M0_2470. Cote locale : C_4_58. |
|||||