de Monsieur le Marquis de Fontenay ;
des affaires d’icy l’entretien de mes malheurs.
C’est vn effect du desespoir où ie suis qu’il faut
que ie ne puisse auoir sentiment, pourquoy que
ce puisse estre, luy faisant vne confession tres-veritable,
que ny l’ambition, ny le desir de m’inmortaliser
par des actions extraordinaires, ne
m’a embarqué dans vn dessein si perilleux que
celuy où ie me trouue : Mais la seule pensée faisant
quelque chose do glorieux de mieux meriter
les bonnes graces de Mademoiselle de Pons,
& d’obtenir par l’importance de mes seruices
que la Reyne considerera & elle & moy ; ie pensois
apres tant de perils & de peines passer doucement
auec elle le reste de mes iours Mes esperances
sont bien trompées, ie me plains auec
raison de me voir abandonné de la protection
de vostre Eminence dans le temps où i’en auois
le plus de besoin, & ie me tenois le plus asseuré,
i’ay hazardé ma vie dans le passage sur la mer.
I’ay reduit dans ce party quasi toutes les Prouinces
de ce Royaumes. I’ay maintenu la guerre
quatre mois sans poudre & sans argent, &
reduit dans l’obeyssance vn peuple enflammé
sans auoir vn moment de repos, & mesmes ay
esté deux iours sans pain. I’ay cent fois esuité la
mort par le poison & les reuoltes. Tout le monde

Page précédent(e)

Page suivant(e)