simple Particulier, du moins auec aparence de Iustice,
sans le faire condamner sur quelque pretexte,
beaucoup moins vne Ville, & la Principale du
Royaume, à la perte de laquelle celle de l’Estat est
inseparablement coniointe : Or, qui examinera sainement
le procedé du Cardinal Mazarin, contre le
Parlement & la Ville de Paris, soit au regard du suiet,
soit au regard de la maniere d’agir, il trouuera
tout le contraire : car premierement quand au suiet,
il est constant qu’il n’en veut au Parlement, que parce
qu’en procurant du soulagement aux peuples, &
remediant aux abus qui se sont commis iusques icy
aux Finances de sa Maiesté, ils ont arresté le cours
de la tyrannie, qu’il auoit dessein de continuer sur
le peuple, iusques à l’entiere desolation du Royaume,
& qu’ainsi, ils ont puissamment affermy l’Estat
qu’il esperoit & espere encore sans doute, par
les troubles & les confusions qu’il y a semées, de
pouuoir vsurper & partager auec l’ennemy ; & à la
Ville de Paris, que parce qu’elle s’est opposée à la
violence, par laquelle il vouloit iniustement opprimer
le Parlement, pour le faire condescendre à ses
desseins, & l’obliger d’abandonner l’interest du
public ; & quand à la maniere d’agir on ne trouuera
point pour le regard des Officiers du Parlement
qu’il les ait fait accuser & condamner par des Iuges
legitimes, ainsi qu’il estoit obligé de faire du moins
par contumace : Au contraire, lors qu’on a mandé
demander ceux qu’il presuposoit auoir conspiré

Page précédent(e)

Page suivant(e)