n’osast publier vos loüanges, s’il n’auoit vn esprit aussi parfaict
que vous possedez d’eminentes qualitez. L’Histoire estime
Neron heureux, en ce qu’il ne pouuoit rien faire, que Seneque
ne pût dire, & tout ce que Seneque pouuoit dire de beau,
& d’excellent, n’estoit que l’idée des belles actions que faisoit
Neron, dans le commencement de son regne. Mais comme d’vn
costé, SIRE, mon impuissance m’obligeroit à me taire, &
à respecter par vn profond silence vos merites & vos vertus,
de l’autre ie passerois pour criminel de la plus lasche ingratitude
du monde, si ie ne m’acquittois de ce petit deuoir, & si en la
personne de tous vos seruiteurs, ie ne publiois vne partie de vos
loüanges, bien que ce soit de mauuaise grace, & auec vn stile peu
conuenable à leur grandeur. Acceptez neantmoins, GRAND
PRINCE, ce foible hommage de nos cœurs & de nos affections ;
Receuez ce que nous pouuons, & non pas ce que nous voudrions
vous offrir, & attendant l’occasion de poursuiure les merueilles
de vostre vie. Permettez qu’en mon particulier, ie demeure à
iamais,

SIRE,

De V. M.

Le tres-humble, tres-obeyssant,
tres-fidele Sujet & seruiteur,
MERCIER.