iesque dan Noutre-Dame, é fire chanter le Tedion ; Quer
nan di que le premié qu’en auet chanté ne valet rian, à caure
qu’en auet polli l’Eglise en prenan ce Consilié. Du de pi ie ne
sçai rian de san qu’en a fait à Pazi, quer quan nen y veut allé nen
rencontre sur le cham de ce guiebe de Marazin, qui auan six
iambe, qui vou racourcissant vout viage, temain le porte Thibau
Polu qui nen est pas reuenu dire de nouuelle.

Piarot.

Nout Cuzé en reueni y glia di iours qui nou conti toute l’histoize.
Y nou dizi que la Faste de Rouas, bon iour bon œuure,
le Cardena fezi faize vn gran gastiau pour faize la Riauté, é y
fezi si ban qui fu le Rouay, é de boize é reboize tan que tou le
Signeur s’endormarent ; quer nen dit qui lauet bouté de la mandore
dan leu vin. Là dessu meinnuy sonni, & queme tou le
Bourgeas dormien, y lé chargy tou queme dé cor mor dan son
coche, & lé meni à sain Gearmin auan qui fussient reueillez :
mai quan lé Bourgeas sceure qu’an auet derobé leu Rouay, le
guiebe fu ban au vache ; auserme auserme, n’en cour au porte &
n’en ne laisse pas-entre ny sorty vn chat fi ne di le mo ; enfen tou
depistan là l’an ny vouay que dé soudar qui son tou de fé, l’en
ny enten que pata-pata-pan, poutou-pou, Dame y ne
fait pa bon se ioué à eu.

Ianin.

Mai nan diset qui mourion tou de faim, à caure qu’en auet
bouché le chemin de la riuieze, & qu’nan lauet fait retourné
d’où al venet.

Piarot.

Ian semon, mai pal sanguié le Bourgea auan fai vne voutre
sous liau par où y feson veni le pain de Gounesse & de Corbey,
& nan di qu’il en feron cor vn autre pour allé à S. Gearmain, à
caure que le Cardena a fai griller le pon de S. Clou.

Viue lé bon zespri, parguié y faut auoué que ce Parisian son
ban fens.

Piarot.

Queux guiebes de badaus, y frappan queme de sour, y tuant
dé Pouronais queme d’outrez home : Yz auan deuan eux vn
biau Seigneur, qui lome Monseu de Biaufort, qui chasse tou
cé Laueman deuan ly queme dé brebi, é n’en di quiz auan
cor de leu couté le frere de Monseu le Prence, & ban d’autre
Signeux.