la valeur des Amadis,
Quoy que l’Espagne l’ait veu naistre
Elle nous fait assez conneistre
Qu’elle ayme le Throsne François
Ou se sied le plus grand des Roys,
Qui des autres sera le Maistre
Car quoy qu’enfant, il fait parestre
Que l’on dira de toutes parts
Louys surpasse les Cesars,
Et tout ce que le siecle antique
A prosné de plus heroique,
oit des Grecs, ou soit des Romains,
Et les plus fameux Escriuains
Pour celebrer ces hauts trophées
Deuiendront cõme autant d’Orphées
Dans le dessein de le loüer
Et desia l’on doit auoüer
Qu’vn aymable & noble Genie
Prend soin de conseruer sa vie
Et veut destruire les lutins
Qui combatoient nos bons destins,
L’Histoire en est assez cognuë,
Pourtant d’vne plume ingenuë
Ie veux tracer d’vn vers mocqueur.
Tout ce qui me tient sur le cœur,
Et tout ce dont i’ay connoissance
Dans l’amour que i’ay pour la France
Et pour Paris où ie suis né
Paris qui m’a veu destiné,
A cultiuer la Poësie,

Page précédent(e)

Page suivant(e)