Enfin nous sommes bien-heureux
D’estre deliuré d’vn lepreux
Qui commençoit d’empoisonner
Et son venin distribuer
Par tous les endroits de la France
En attirant tout la finance.
Enfin pour euiter ce mal
Il ne faut plus de Cardinal,
Mais de bons politiques en France
Qui sçauent regler les finances
Afin que sous nostre bon Roy
Chacun exerce son employ
Qu’on l’obeisse & le reuere,
Chose qui est tres-necessaire,
De l’aimer & de le cherir
Afin qu’il puisse se resiouyr
De voir tout son peuple fidelle
N’auoir autre chose en ceruelle
Sinon de dire auec moy,
Viue le Roy, Viue le Roy.

FIN.