Et par ma foy lors que i’y pense,
I’admire encor son insolence.
Que dis-ie ? i’en ay de l’horreur :
Et encor que Themis sans erreur
Pouuoit en tres bonne iustice
Punir du foüet cette malice :
Et mesme en suitte du foüet
Le bannir ainsi comme il a fait.
Comment emprisonner trois Princes
Les trois appuis de nos Prouinces,
De Condé qui prit son party
De Longueville & de Conty ?
Les faire mettre dans Vincennes,
Et comme des criminels aux gesnes ?
Les transferer à Marcoucy
Et pour les auoir à sa mercy
Puis au Haure de grace :
Tant qu’il luy plus leur faire grace
Et par ce coupable attentat
Se iouer ainsi de l’Estat
Vrayment pour ce, son Eminence
Meritoit pour sa recompense
Tout au moins le fouët comme il faut,
Et d’estre banny le maraut :
Mais en rigueur sa legitime,
Tant pour auoir commis ce crime,
Que ses autres forfaits honteux,
Estoit d’escalader les Cieux,
Eust-il ainsi qu’à Ancelade
Tomber de sa noble escalade
Dessus quelque infame carreau,
Qui luy eust brisé le museau,
Qui plus, l’on ma bien dit encore
Que cette meschante pecore
Du chien d’enser vn auorton,
Auoit risqué contre Gaston :
Ce Prince d’vne haute marque

Page précédent(e)

Page suivant(e)