& par les campagnes comme des ruisseaux
dans leurs sources ensanglantent tout, &
ne laissent rien qui ne soit teint de cette pitoyable
couleur. Mais quelle est la cause de
tant de mal-heur ? il faudroit ne iouir d’aucun
des sens naturels pour ne pas auoir vne
connoissance asseurée, ou pour parler comme
les Philosophes, vne veritable science,
de ce qui s’est fait, & se fait encore en plusieurs
endroits du Royaume, & pour ne
confesser pas sans doute que cela procede
pour vne personne toute couuerte de pourpre,
à l’exterieure, & de sang au profond du
cœur. Le premier Pontife qui honora les
Cardinaux de la pourpre, les veulut obliger
de ce don pour vne consideration tres-loüable,
car comme il n’y a point de couleur
si belle ny si exclante, & qu’elle represente
le plus noble des Elemens par son
esclat & par sa splendeur, il vouloient témoigner
par la que leur dignité surpassoit
toutes les autres condictions les plus retenues
de l’Eglise, comme estant celle d’où
les Papes immediatement sont tirez, &
que ceux qui en sont couuerts doiuent estre

Page précédent(e)

Page suivant(e)