Anonyme [1652], LA RELATION DE CE QVI C’EST PASSÉ A LA COVR. EN LA RECEPTION DE Messieurs les Deputez du Parlement de Paris. , français, latinRéférence RIM : M0_3114. Cote locale : E_1_37.
-- 3 --
LA RELATION DE CE QVI S’EST
passé à la Cour, en la Reception des Deputez du Parlement
de Paris.
CELVY qui a dit que les Loix estoient
semblables aux toiles d’Aragnées qui
n’arrestent que les petites Mouches, au
lieu que les frelons passent hardiment
tout au trauers ; n’a rien proferé qui ne
soit veritable. Et celuy encore qui a dit
que les Loix les plus mauuaises estant obseruées seruent
plus à l’Estat, que les meilleurs qui ne s’obseruent
point du tout ; nous monstre la pitoyable condition
des Peuples & des Royaumes, où la force preuault sur
la Iustice ; & où les Loix sont opprimées par les armes.
Le traictement des Deputez du plus Auguste Parlement
de la terre, fait voir en quel estime on tient la Iustice,
& si l’on doit esperer qu’on gaigne par les respects &
par la submission ce que l’equité deuroit emporter sur
l’iniustice. Il s’est veu des Princes tellement portés à
la satisfaction des Peuples qu’ils leur ont sacrifié iusques
à leurs amours. Titus que l’Historien appelle les
amours infortunées du Peuple Romain ; Breues & infaustos,
Populj Romanj, Ameres Brustant pour Sophonisbe
ne la voulut point espouser, craignant que Rome
Anonyme [1652], LA RELATION DE CE QVI C’EST PASSÉ A LA COVR. EN LA RECEPTION DE Messieurs les Deputez du Parlement de Paris. , français, latin Référence RIM : M0_3114. Cote locale : E_1_37.
|