Ie sçay bien mieux que luy, & mieux qu’il ne le
sçaura iamais, comment est ce que cela se peut faire ?
Vous trouuerez que ie dis en suitte que du depuis
en ayant esté detourné, par des sentimens qui
paroissoient assez raisonnable ; Mais voyant qu’on
s’estoit mis en peine de luy respondre & de la refuter
d’assez mauuaise grace ; & qu’outre cela on a
fait encore vne replique à celuy qui venoit de la
censurer ; ie croirois estre indigne de viure, si ie
laissois perdre vne si belle occasion, que celle de
les desabuser tous trois ensemble. S’il eust consideré
ce mot du depuis, & voyant qu’on s’estoit mis
en peine, & qu’outre cela on a fait encore vne replique,
il n’auroit pas esté si sot qu’il est, d’imposer
des faussetez à son Precepteur, & de reconnoistre
ses bien faits, par des outrages, où la confussion
du disciple se trouue si manifeste. Ainsi il auroit
veu qu’il ne m’estoit pas necessaire d’auoir esté animé
ny d’en haut, ny d’en bas, & moins encore du
milieu, pour ne Prophetiser que de la sorte, c’est
sans doute qu’vn homme qui ne sçait pas bien parler
François, comme nous auons fort bien remarqué,
à beaucoup de peine à l’entendre. Suffit qu’il
confesse que l’homme animé de l’esprit de Dieu,
peut deuiner ce qui est de plus mysterieux, & mesmes
ce qui n’est pas, en la mesme façon qu’il peut
estre, par le moyen d’vne intelligeance enticipée.
Saint Paul nous asseure que l’art de Prophetiser est
vn don du Saint Esprit, confere à qui bon luy semble :
& S. Pierre dit, que cette sorte d’agir n’est pas

Page précédent(e)

Page suivant(e)