& si grande desroute, que le cœur nous en manquant
auec Spasme, le reste demeure à l’abandon.
Voila vn homme qui entend bien les termes de la
medecine de dire que le Spasme vient du manquement
de cœur, & c’est au contraire : car l’espasme
est vn retirement de nerfs, qui cause vne conuulsion
de membres, & des deffauts de cœur : ou si ie
ne me trompe, il dit, que le cœur nous en manque
auec Spasme, comme si le cœur auoit des nerfs,
des membres & vn autre cœur dedans luy, pour
estre sujet à toutes ses maladies. Le reste demeure
à l’abandon, comme si apres le tout, il y auoit encore
quelque chose de reste, veu que l’espasme est
vne maladie vniuerselle de la personne toute entiere.
Les ventricules de vostre cerueau, ne s’estans
trouuez de disposition requise, pour bien digerer
ce morceau : de sorte que l’espasme estant vne maladie
vniuerselle, ie trouue qu’il n’y à point de morceau
à digerer, ou s’il y en a qu’elqu’vn, ce n’est
pas le propre du cerueau de digerer des morceaux,
& puis il y a cerueau & morceau qui riment assez
bien ensemble, il dit encore que l’auarice & l’iniustice
flateresse, ont peruertis les ventricules de
mon cerueau apres qu’il a dit auparauant que le
manquement de cœur auec le Spasme, en estoient
la cause. Beati pauperes spiritu, dit Saint Mathieu,
en son Chap. 5. ie ne sçay s’il entend parler de ceux
qui sont aussi sots que luy, lors qu’il leur promet la
beatitude eternelle.

Car reconnoissans que l’histoire de Roboam,