sur vne vertu oculte & cachée : qui est beau & laid tout ensemble ?
qui touche nostre cœur, sans gaigner nostre veuë :
C’est faire iustement comme ces imprudens qui adorent des
diuinités inconnuës, & qu’ils mesprisoient apres, parce
qu’elles estoient formées d’argile, sans art, sans façon, sans
industrie. Non, Cipris, que l’on dise tout ce que l’on voudra ;
la beautez a des charmes qui sont ineuitables, & les ames
qui font gloire de resister à tout le monde se laissent tousjours
vaincre par la force de ses appas.

Mars.

Madame, ie veux que la beauté soit necessaire à vostre
sexe, & qu’elle soit comme vne arme puissant auec laquelle
vous triomphés de toutes celles de la terre ; Mais pour ce
qui regarde les hommes, elle leur est assés mal scante & l’on
croira tousiours que celuy qui aura les perfections, & les
traits d’vn beau visage, en possedera aussi les defauts, les
manquemens, les foiblesses. Laissés-nous les tiltres glorieux
de sages, de prudens, de genereux ; nous vous
laissons la qualité de belles : & si vous vous vantés de faire
des Admirateurs, nous sommes asseurés de faire des esclaue,
des mal-heureux, des infortunées, aussi bien que
des riches, des Princes, & des Monarques. Par vostre discours
vous voudriés nous persuader que la beauté a beaucoup
dauantage par dessus la valeur, & que sans elle les plus
courageux Capitaines ne peuuent faire que de legeres conquestes.
Ie sçay, & il est vray, que son empire est fort doux,
que sa domination ne tient rien ny de la rigueur, ny de la
tyrannie, & que les hommes n’apprehendent aucunement
de se soúmettre à vne puissance, qui est des-ja victorieuse de
leurs cœurs. Mais ie sçay aussi que son Sceptre est vn roseau
qui a beaucoup de fragilité, & son diademe plus déclat que
de fermeté. Les charmes de la beauté sont ils finis, chacun
secouë le ioug de son obeyssance, & l’on ne veut plus suiure
des loix, qui n’ont plus rien pour se faire aymer. Là où
l’Empire de la valeur est vn Empire de durée, & comme il
est soustenu par la force d’vne vertu qui est inuincible, il demeure
tousiours inesbranlable aux coups de la fortune, aux