aussi bien qu’à ces passions, ceux qui ce sont
opposé à ses desseins & afin de tyranniser & acheuer
de brigander le peu qui reste à la France & qui luy a
échappé des mains.

Ces complots estans faits, il enleua cet Astre brillant,
ce Soleil rayonnant, ce second Mobil la nuict
des Roys, & le iour estans venu tous les Parisiens surpris
d’apprendre que Mazarin, auoit clandestinement
& furtiuement enleué leur Monarque, mais
cette lasche action, fut bien-tost suiuie d’vne autre,
s’estant emparé de quelque poste, il a donné lieu
a ceux de sa milice d’exercer tous actes d’ennemis, &
d’hostilité, où ce recognoist manifestement qu’il n’est
pas seulement ennemy du peuple, mais encore du
Roy, veu qu’il opprime son Royaume, le rend desert
ainsi qu’il ce voit a present au pres de Paris, qui porté
de rage, de furie & cruauté, voiant cette incomparable
ville sous les armes, a permis plus de licence à ses
soldats, plus de ferocité, plus de barbarie & inhumanité
que ne fit autrefois Philaris le Tiran, il ne c’est
contenté de permettre le vol & l’incendie, mais encore :
le violement suiuy decruauté.

Il enrage, il inuectiue & vomit mille imprecations
contre ce monde racourcy, voyant vn ordre bien obserué
conduit par vne prudence & sagesse digne d’vn
tel Senat qui est annobly des plus iudicieux plus sages,
prudens & vertueux Senateurs du monde, mais
ce qui glace son cœur & congele ses vaines est qu’il ce
voit desceu de son esperance, qui croioit qu’il y auroit
de la diuision & desordre, le pauure se iettant sur le
riche pour butiner, y estant conuié & poussé par la
faim, ou par la necessité, mais tant s’en faut, il voit vn