Anonyme [1649], A MONSIEVR DE BROVSSEL CONSEILLER DV ROY AV PARLEMENT DE PARIS. , françaisRéférence RIM : M0_5. Cote locale : E_1_115.
De Broussel est armé du bras d’vne Deesse Qui veut vous punissant finir nostre tristesse, Et de nostre seul bien ourdir vostre mal-heur Voyez comme il combat pour auoir la victoire, Malgré tous les demons le Ciel pour son bon-heur Le fera triompher dans vn thrône de gloire.
Vostre rage a vomy contre luy sa furie, Et le plus grand effort de vostre barbarie Produisit son effet quand il fut enleué : Cet énorme attentat, cette lasche industrie L’ont mis dedans les fers, qu’en est-il arriué ? Les François ont rendu le Pere à sa Patrie.
Parmy les legions des soldats tous en armes, Parmy le bruit confus du peuple en ses alarmes Qui demandoit auoir ce Soleil eclipsé : Qu’on fut rauy voyant esclater sa lumiere Lors que plus on croyoit qu’il estoit oppressé Ou qu’il fut le butin de quelque cimetiere.
Quel heureux changement cette forte tempeste, Qu’on eust dit qui vouloit tomber sur nostre teste Et qui si promptement auoit armé Paris, Se calma dés l’instant qu’on vit libre Brousselles Alors toutes nos pleurs se changerent en ris Madrid seul s’affligea d’en sçauoir les nouuelles.
Anonyme [1649], A MONSIEVR DE BROVSSEL CONSEILLER DV ROY AV PARLEMENT DE PARIS. , françaisRéférence RIM : M0_5. Cote locale : E_1_115. |