qu’il est bien plus glorieux d’auoir des filles à la mode d’Epaminondas,
qui sont des conquestes & des actions illustres, que
d’en auoir à la mode du commun des hõmes. Il faut que l’on
confesse que c’est vn malheur bien sensible à vne mere de
sçauoir qu’elle a donné vn Tyran à sa Republique, & qu’elle
est la seconde cause de l’estre d’vn impie. Mais certes comme
l’on iuge des mœurs de l’aage viril par celles de l’enfance, ainsi
qu’Helie qui sembloit à sa Nourrice succer du feu pour du
laict, donna des lors des marques du zele dont il deuoit estre
embraze. Les fourberies que tu as commencé de pratiquer
dans les ieux de l’enfance me deuoient bien apprendre ce
que tu ferois quand tu serois plus grand. C’est vne verité que
ie ne puis dire qu’en souspirant, & que i’ay honte de dire. I’ay
remarqué que tu ne te plaisois qu’à imiter les plus bouffons &
les plus adroits en matoiserie ; & c’est pour ce sujet qu’apres
plusieurs apprentissages, on dit que tu es maistre passé. Tu
deuois te souuenir que dans les ouurages de l’art on ne trauaille
iamais que sur de grandes idées, & que ce n’est que sur les
parfaits originaux que l’on tire d’excellentes copies. Il me
souuient d’auoir ouy dire qu’vn Ancien se vãtoit d’auoir veu
en Solon, la ville d’Athenes en abbregé, & toute la Grece en
vn seul homme. Mais certes on peut dire de toy, qu’il n’y a
sorte de vices que tu ne pratiques, au lieu de suiure la sagesse,
qu’vn docte a nommée vne disposition à la diuinité, & que
les Sages n’estoient pas differens des Dieux, sinon que ceux là
l’estoient déja, & que les autres le deuoient estre vn iour. Au
lieu des pasquins & des libelles qui sont les productions de la
haine publique, & les armes des beaux esprits tu receurois
des benedictions & des éloges de toutes les bouches, & de
toutes les plumes les plus eloquentes. Les François sçauent
que la Nature nous en joint de fauoriser tousiours les choses

Page précédent(e)

Page suivant(e)