de fortune faict naistre vn nombre infiny de partis :
Vn Dieu, vne Foy, vne Loy, & vn Roy, c’est ce
qui nous doit gouuerner & conduire en toutes les occasions,
telles qu’elles se pourroient presenter : & quiconque
entreprendra d’y contrarier, il aura assez amplement
la cognoissance de son abus : si bien que Soldat,
tel qu’il soit, païsan reuolté, ou fol reprouué ou approuué,
il faut qu’il sçache que le temps se iouë de
nous ; combien qu’il semble que nous le manions à
baguette. Arriere donc tous ces appetits de rebellions
& de licences : arriere toutes ces entreprises ; venons
au but, nous auons la raison, qui nous sert de guide, &
le iugement, qui nous esclaire, qui nimis alta petit, inferiora
subit.

Cela s’est veu depuis peu de iours en ça, nostre Roy
en a monstré le reuers en tel dessein ; chacun l’approuue,
& s’y porte pour luy de telle sorte, que de faire autrement,
ce seroit à iuste raison rechercher son precipice,
& tesmoigner sa desobeïssance.

FIN.