Que de fringantes Damoiselles,
Que de tintamarre de vieilles,
Que de viollons, que de haut-bois,
Que de putains dedans les bois,
Que de collerettes rompuës,
Et que de fesses toutes nuës,
Que de beaux tetins descouuerts,
Que d’enfans auront les yeux verts,
Qu’il faudra eslargir de robbes,
Et d’esplisser des garde-robbes :
Que de baptesmes clandestins,
Que de peres, que de parains,
Balions donc ces villenies,
Ses danses, ses folastreries,
Ces blanques, ces jeux de hazard,
Ces discoureurs d’amour a part,
Ces viuandiers de Foires franches
Tauerniers pour quatre Dimanches
Et chassons encor au balay
Ces beaux tireurs de Papegay
Que leurs arcs, & leurs cordes roides
Abbatent les roupies froides
Qui pendent au nez morfondus
Des enfans de Cauls refondus
Or voila bien des places nettes
Nos tasches seront bien-tost faites
Il ne reste qu’a balier

Page précédent(e)

Page suivant(e)